Чӑваш чӗлхи куне
Ҫулсеренех эпир акан 25-мӗшӗнче Чӑваш чӗлхи кунне уявлатпӑр. Ҫурхи чӗрӗлӳпе пӗрле килекен ку уяв чӑвашсене ҫутта кӑларнӑ сумлӑ педагогӑн И.Я. Яковлев (1848-1930) ячӗпе тачӑ ҫыхӑнса тӑрать.
Енӗш-Нӑрвашри культура ҫуртӗнче, тӑван чӗлхене халалланӑ "Йӑмра ҫинчи асанне сурпанӗ"
уяв программи иртрӗ.
Халӑх-йӑли йӗркипе паллашма ятарлӑ ал-ӗҫ ӑстисен выставкине йӗркеленӗ культура ҫурчӗн пӗр пӳлӗмӗнче.Курава курса киленнӗ май Алина Алексеева культорганизатор ачасемпе чӑваш-йӑли йӗрки ҫинчен калаҫу ирттерчӗ.
"Чӑваш чӗлхи -пирӗн тӑван чӗлхе.Ку чӗлхене пире атте-анне парнеленӗ.Ӑна пирӗн юратмалла, чӑн чӑвашла калаҫмалла,-тесе палӑртса хӑварчӗ вӑл калаҫура.
Калаҫу хыҫҫӑн "Тӑван чӗлхен илемне упрар" вулакансен конкурсӗ
иртрӗ.Уйрӑмах пӗчӗк аптраман таврашӗсем ҫав тери хастаррисем, чи пултаруллисем пулчӗҫ.
Чӑваш чӗлхи кунне халалласа ялти библиотекора та «Тăван чĕлхе пуянлăхӗ" краеведени сехечӗ ҫав тери кӑмӑллӑ иртрӗ. Асӑннӑ мероприятине культура ӗҫченӗсем те хаваспах хутшӑнчӗҫ.
Янра ялан, тӑван чӗлхе...тӑван чӗлхе - чӑваш чӗлхи!!!!Уяв ячӗпе Туссем!